Ut ontstoon

Toen veer in 1989 Sjots & Sjeif oprigde, woar dat op roar bie de Gies aan het buffet op 'nne zoaterdig middig um ein oor of vief noa de doevesop.Zwa wie gewoonlik bie ein glaas beer woort alles en eederein mit eine gekke slaag de door getrokke en zwa aug de Meersjense Vasteloavend en wat doa allemaol aan vas hink.
D'r moos ins get mje leeve in de broewerie koome waor de konklusie.Gein sjtief gedoons meh gewoon sumpele kwatjs en spas met de joonges in de blwatte bein met ein rokske. En wie later het woort dei middeg, wie gekker de iedeeje en zwa koam 't dat dei aovend de naam "Sjots & Sjeif" geboore waor en de jerste hjerrezitting neet allein geplend meh auch al gesjponsord waor.
Mennigein van die jerste Sjots & Sjeivers leep dei aovend Sjots & Sjeif de berg aaf.
En is bie de meiste de daag dnao alles vergete, neet bie dees jonges. Dei zoondigmiddeg woort bie Rini en Pierre de oontbrekende raod van 11 leeje geroonseld. De prins veur de koomende vastelaovend woort aangeweze en oos vrouluuj gevraog um pekskes te maake.
De hjerrezitting waor in 2 weeke oetverkoch en dat is de jaore denao neet mje veranderd. Allein de artieste zeen veranderd. Toen "Big Boebies", noe "Big Bennie".
De karnavalswaage waor zwa profesjioneel inein geklats dat nao e euverweeg in Meersje allein de prins nog sjtoong te zweijje en de res van de raod van 11 de wage met de han bie ein moos houwe.
Dao is in dei tied get aafgelache gewoore en veul Meersjenaire met oos. En al is Sjots & Sjeif in de laop der joare profesjioneler gewoore, de oetstraoling van dich bes joonk en wils get is altied gebleve.
't is ein club wie gein ander in limburg en de res van de weireld met veul joonk blood en hel werrikersj en dat moot zwah blieve.