Carnaval 2013 C.V. Sjots en Sjeif

Op 10 november 2012 of woar ut toch al 11 november… och ut maak aug neet oet winjeh precies! Ut moment dat Roy Stevens door de piepsjoem sprong in de stip woar de twan direk gezat. Unne Prins deh al zien energie en enthoussiasme in de oetrooping gewajd mot toch waal unne gooie zin. Mahmahmah…
In al die daage noa zien oetrooping heit heer zien volwachting allein mehr kinne vol breenge. Op eder fjeske of party, Prins Roy woar tot ut letste drbie. Soms kwam heer met get minder thoes dan heer vertrokke woar. De eine kjehr woar miste heer get  veare en de andere kjehr … tsja laote veer dat mehr onder os hauwe.  Mahmahmah…
In un kort seizoen woar ut er neet minder druk um. Op 6 jannewari begoste veer alweer aan ozze 24ste Hjerrezitting. Noa dat alle mansluuj bie het ut supertrio Frans Theunisz, Big Benny en Erwin op de banke steenge woar ut de jehr aan Prins Roy. Al bleek  Prins Roy neet zwah onder de indruk van de striptease te zeen zwah es Jean Slangen dat woar. Mehr aug dat hauwe veer braaf onder os.. Mahmahmah...
6 jannewari woar ut aug dn daag dat de Aanhawwersj hunne nuuje Prins oetreepe. Met enige verbazing en sommige luuj in shock presenteerden zie Prins Marco en Prinses Nicole. Un charmant prinsenpaar oet Rothem dat gein vream gezich is in de Meersjense Vasteloavend. Dus wat die verbaadse luuj betref dat zeat mjehr euver uch dan euver ut prinsenpaar. Mahmahmah…
Aug anders dan normaal woar de dameszitting. Tegen gebruuke in en eigenlijk oet nood gedwonge dit joar op zoaterdig 12 jannewari. In no-time woar ut zwah mehr ut meiste gebruukte TOPIC in de social media. Geer kint trouwens nog ummer kaarten bestille via de mail of bie Mariska. Maar al met al die vrouluuj wat ut helste sjreffde dat ze dan neet noar de zitting ginge die woare es jerste binnen en ginge es letste noar hoes.  Mahmahmah…
Terwijl un hoap vrouluuj nog krank en in bed loage. Woar ut tied aan de Geulmennekes um de nuuje prins oet te roope. Oet de Saloon kwam Prins Renzo en zien Prinses Elene. Zwah gek es un deur leek Renzo eve unne sjlaag van de klapdeur te hubbe gekrege. 'Ich wil neet bie Sjots en Sjeif op de wage'  zei heer op zien receptie. Mehr oet eindelijk wouw heer niks levers; de keengeroptoch, pop oploate en sleuteleuverdrach. Renzo sprong ut helste op ozze carnavalswagen…  Mahmahmah…
Noa get recepties en oetrooping zou en mos Prins Roy tog met Bert op vader-zoon-weekendje. Doar bie kos ut duo Laumen Senior en Junior niet bie ontbreeke. Um alles in bane te leije geenge un paar jonges van ut bestuur met. Want es veer Jan ziene weeg heije loate goon dan woare veer via Kopenhagen in Ealse terrech gekome. Mahmahmah…
Mehr de pilskses werde versloonke en de carnaval kwam steeds korter bie. Zou Prins Roy dan toch al te veul gaas hubbe gegeve? De signale van griep werde steeds zichtbaarder en de moer van zien sloapkamer had heer al van un nuuj kleur veur zeen. Evekes leek Prins Roy in ut zich van de have te goon strandde. Mehr gelukkig woar doar op tied ut sjeep van de Blauw Sjuut. Zien jerste pilske deeg um direk weer good. Ozze diagnose woar gesteld: Gein griep mehr un alkohol verslaving.  Mahmahmah… 
Met de carnaval leet Prins Roy zich aug van ziene zachte kant zeen. Honderden dan waal neet doezende knuffelbearkes sjmeet heer oet in Ulestroate. Wat natuurlijk nemes wet is dat deze gevuld woare met confetti. Dus es binnenkort dn hoond de knuffelbear aan flarden trek dan deenke ze in Ulestroate nog uns aan Prins Roy truk. Wat dea oavend wier in Ulestroate weite veer neet mjeh…Blackout…. Mahmahmah..
Op moandig woar de grwatte daag van dn optoch in Meersje. Deze samenvatting hub geer bie RTME kinne zeen.. MAHMAHMAH!!
's Deensdigs woar ut de TOP111 dea os noar de mert trok.  De gaanse daag stong Prins Roy tussche de artiesten in de VIP ruimte, mehr Roy wetste noe aug wea gewonne heit?? Mahmahmah…
De pop aaf loate woar de letste en zwoare taak vur Roy es prins. De pop ging aaf en ut vuurwerk ging op.  Boven op de schouwers van un paar sjuinsmarcheerders zoat Prins Roy I. Euver de mert galmde we are the champions… Want wat unne Prins woar dea Roy toch.  Heer woar unne echte….Mahmahmah….